Şirkətimiz vasitəsilə ölkəmizə gələn tələbələrimizlə yalnız ofis mühitində və ya sənəd işləri zamanı əlaqə qurmaq kifayət etmir. Biz tələbələrimizin mədəni müxtəlifliyi dərk etməsi, yeni dostluqlar qurması və Azərbaycan mədəniyyətinə daha yaxından inteqrasiya olması üçün sosial tədbirlərin vacibliyinə inanırıq. Bu məqsədlə, hər semestr ölkəmizə yeni gələn tələbələr üçün Bakının mərkəzində yerləşən seçilmiş, gözəl restoranlardan birində xüsusi “Xoş Gəldin Yemeği” (Welcome Dinner) təşkil edirik. Bu tədbir tələbələrimizə: Yeni insanlarla tanış olmaq, Azərbaycan mətbəxini və qonaqpərvərliyini yaxından tanımaq, Şirkət komandası və digər tələbələrlə mehriban bir mühitdə vaxt keçirmək imkanı yaradır.