Tanınma (nostrifikasiya) — xarici dövlətdə əldə edilmiş kvalifikasiyanın Azərbaycan Respublikasında ekvivalent (bərabərhüquqlu) təhsil səviyyəsinə uyğun hesab olunması prosesidir. Bu proses nəticəsində şəxs həmin kvalifikasiyaya əsasən: Yerli ali təhsil müəssisələrində təhsilini davam etdirmək, Və ya həmin ixtisas üzrə əmək fəaliyyətinə başlamaq hüququ əldə edir. Prosesi kim həyata keçirir? Xarici ölkələrdə alınmış ali təhsil kvalifikasiyalarının tanınması prosesi Azərbaycan Respublikasının Nazirlər Kabinetinin 13 may 2003-cü il tarixli, 64 nömrəli Qərarı əsasında Təhsildə Keyfiyyət Təminatı Agentliyi (TKTA) tərəfindən həyata keçirilir. Ərizə qəbulu qaydası Tanınma (diplom təsdiqlənməsi) üçün müraciət yalnız elektron qaydada qəbul edilir. Ərizəçi müraciət sisteminə daxil olaraq tələb olunan sənədləri onlayn şəkildə təqdim edir və prosesin gedişatını şəffaf şəkildə izləyə bilir